പച്ചച്ചേര

പച്ചച്ചേരയുടെ കൂട്ടുകാരനെ 

കുറ്റം പറയേണ്ട.

*

ചേരകളുമൊത്താണു വാസം.

ചേരകളോടാണ് സംഭാഷണം.

ചേരകളെപ്പോലെ വളഞ്ഞുപുളഞ്ഞുള്ള നടത്തം.

ചേരകളെപ്പോലുള്ള ചീറ്റല്‍.

തവളകളുമായി ശത്രുത.

മഴവില്‍ പ്രൊഫൈല്‍ചിത്രം.

*

പച്ചച്ചേരകളുടെ കൂട്ടുകാരനെ 

കുറ്റം പറയേണ്ടതില്ല.

*

ശാന്തനാണ്.

മദ്യപാനമില്ല.

ആരെയും ഉപദ്രവിക്കില്ല.

പച്ചിലകള്‍ക്കിടയിലൂടെ

പതുങ്ങിപ്പതുങ്ങി നടക്കും.

അമ്മയെന്നോ പെങ്ങളെന്നോ 

ഭേദവിചാരങ്ങളില്ല.

എല്ലാവരും ഒരുപോലെ.

*

പച്ചച്ചേരയുടെ കൂട്ടുകാരനെ 

കുറ്റം പറയുന്നതെന്തിന്!

*

ആരെയും സ്നേഹിക്കുന്നില്ല.

ആരോടും വെറുപ്പുമില്ല.

കൃത്യമായി കുളിക്കാറുണ്ട്‌.

വെടിപ്പുള്ള വസ്ത്രധാരണം.

സ്വപ്നങ്ങളിലൂടെ ഇഴഞ്ഞുനടക്കും.

ടീവീ കാണും.

ഫേസ്ബുക്ക്‌ അക്കൌണ്ട് ഉണ്ട്.

ഇംഗ്ലീഷ് നന്നായി സംസാരിക്കും.

കാറും ബൈക്കും ഓടിക്കും.

കുഴപ്പമൊന്നുമില്ല.

*

പച്ചച്ചേരയുടെ കൂട്ടുകാരനെ 

എന്തിനു കുറ്റം പറയണം?

*

പക്ഷെ പെണ്ണുകെട്ടരുതായിരുന്നു.

ചേരകളുടെ ലോകത്തില്‍ 

എങ്കില്‍ ശാന്തനും നിരുപദ്രവിയുമായി

ജീവിച്ചുമരിക്കാമായിരുന്നു.

പെണ്ണുകെട്ടിയതോടെ  

കാര്യങ്ങള്‍ കൈവിട്ടുപോയി.

കഷ്ടമായിപ്പോയി.

*

 പച്ചച്ചേരയുടെ കൂട്ടുകാരനെ 

കുറ്റം പറയേണ്ട.

**